Понедельник, 19.02.2018, 01:18





Форум Главная Мой профиль Регистрация Выход Вход
Вы вошли как Гость · Группа "Гости"Приветствую Вас, Гость · RSS
Меню сайта
Карта Чечни
Мини-чат
200
Статистика
Онлайн всего: 1
Гостей: 1
Пользователей: 0
 
Главная » 2009 » Июнь » 16 » Ненан мотт
21:48
Ненан мотт

Хьох лаьцна яздина,
Дийца а дийцина.
«Хьайна безахь», бохуш,
Хьеха а хьо бина.
Хьехорах пайда буй,
Хьо хууш ца хилча?
Хьо бийца хуур дуй,
Хьо безаш ца хилча?

Хьо бийца Іемар вац
Дагна хьо ца безарг.
ЮьхькІайн а лелар вац
Хьо бийца цахуург.
Нехан говра хиъна
Вон бере шех хилла,
Кхардамехь вехар ву
Хьо хийра леринарг.

Хьуо безаш волчунна
Пондаран аз ду хьо,
Хьайца уьйр йоцчунна
Гихь беза мохь бу хьо.
Хьуо хууш волчунна
ЖовхІарийн хІонс ю хьо,
Хьайца шовкъ йолчунна
Чам тайна стом бу хьо.

Хьайн хазнех кхиъначун
Вахарехь ирс ду хьо,
Хьайх хераваьллачун
ДІатесна некъ бу хьо.
Ойла хьайца ечун
Бух боцу хІорд бу хьо,
Кхин толош волчунна
Совбаьлла гІирс бу хьо.

Сан чІогІа дог лозу
Хьо ца хууш волчух,
Амма эхь ца хета
Іамо ца гІертачух.
Суна сайн ца хета
Ненан мотт бицбинарг,
БІаьрга ван ца веза
Кхечух и хийцинарг.

Хьо ца безаш волчо
Шен нана лорур яц,
Ненан сий ца дечо
Мехкан сий лардийр
дац.
Ненан мотт цахаар –
Шен кхерч цаларар ду,
Кхерчан да цахилар –
Маьттаза вахар ду.

Дагах чекх ов доккхуш,
Іовжамен бийцало,
И дог малхах тардеш,
Хьо сирла бийцало.
Харцонан некъ хадош
Буьрса аз ду хьоьца,
Бакъонна некъ боккхуш
Хьехамен хьо буьйцу.

Суна хьох къахета,
Бийца ца хуучо,
Хьайн куьцах бохийна,
Мерза чам талхийна.
Чов хуьлу сан дагна,
Доггах ца безачо,
Шен гІалат дицдина,
Сийсазбеш, бийцича.

Хьайн ненан мотт хаахь,
Ас дозалла до хьох,
Даггара и безахь,
Ас хастам бо хьуна.
ДоттагІа, варийлахь,
Цунах ма херлолахь;
Ненан мотт хьайн бацахь,
Байлахь вуй, хаалахь!
Категория: News | Просмотров: 1065 | Добавил: chinxo | Рейтинг: 3.5/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
C²$
Инфо. строка
Поиск
Категории раздела
Films [9]
Music [51]
News [24]
Islam [21]
Grozny [8]
Sport [18]
Videos [30]
Fun [27]
Games [1]
Animals [13]
История Чечни [17]
Чеченский язык [5]
Форма входа
Опросы
Тейпан ч1инхо ву/ю?
javascript:// javascript://
Всего ответов: 114

Друзья сайта

Календарь
«  Июнь 2009  »
ПнВтСрЧтПтСбВс
1234567
891011121314
15161718192021
22232425262728
2930
wWw.Chinxo.Clan.$u